| |
Home Page
ہفتہ 7؍ جمادی الثانی 1439ھ 24؍ فروری 2018ء
مبشر علی زیدی
February 13, 2018 | 12:00 am
دیوانی

Devani

بستی میں ایک دیوانی عورت رہتی تھی۔
وہ بچوں کو کچھ نہ کہتی،
لیکن بڑے اس سے ڈرتے تھے۔
وہ راہ چلتے کسی کو بھی ڈانٹ دیتی،
پتھر اچھال دیتی۔
تھانے دار، نمبر دار، تحصیل دار،
سب اسے دیکھ کر راستہ بدل دیتے تھے۔
وہ پنچایت کو بھی نہیں بخشتی تھی۔
کل ایک فیصلہ حسب دستور چوہدری کے حق میں کیا گیا۔
پھر چوپال میں خاموشی چھا گئی۔
کچھ دیر بعد سرپنچ بڑبڑایا،
’’آج اس دیوانی نے ہم پر پتھر نہیں پھینکا۔‘‘
کسی نے آگاہ کیا،
’’جناب والا!
غلط فیصلوں پر پتھر مارنے والی دیوانی کا انتقال ہو گیا ہے۔‘‘