پشاور(جنگ نیوز)پلڈاٹاور یو این ڈی پی پاکستان نے مشترکہ طور پر پشاور میں نوجوان مردوں اور خواتین کو پالیسی کے عمل میں مرکزی دھارے میں شامل کرنے پر یوتھ ڈائیلاگ کاانعقاد کیا گیا۔ خیبرپختونخوا کی صوبائی حکومت کے نمائندوں کے ساتھ ساتھ خیبرپختونخوا کی صوبائی اسمبلی کے اراکین نے نوجوانوں کے نمائندوں کے ساتھ بات چیت کرنے کے لیے اس اقدام کو بڑی اہمیت کی نظر سے دیکھا گیا اس پروگرام میں پی ٹی آئی کیایم پی اے مدیحہ نثاراور کے پی اسمبلی میں خواتین پارلیمانی کا کس کی نائب صدر اور ڈپٹی کنوینر ینگ پارلیمانی فورم اور پی ٹی آئی کی ایم پی اے آسیہ صالح خٹک، ایم پی اے سردار رنجیت سنگھ ، اے این پی کے ایم پی اے وقار احمد خان، ایم ایم اے کی ایم پی اے ریحانہ اسماعیل، اور مرکزی جوائنٹ سیکرٹری اے این پی رابعہ ستار بھی موجود تھیں۔صوبائی حکومت اور اپوزیشن کے نمائندوں کو اپنی پیشکشوں میں، نوجوان طلباء نے تعلیم، ہراساں کرنے، منشیات کے استعمال، قانون ساز اداروں اور پالیسی سازوں تک نوجوانوں کی رسائی اور قیادت کے بحران سے متعلق پالیسی کے مسائل کا اشتراک کیا گیا۔ نوجوانوں کے نمائندوں نے ایم پی ایز کو تفصیلی اہم پالیسی سفارشات پیش کیں، جن میں سے کچھ درج ذیل ہیں کہ خیبر پختونخوا میں تعلیمی اداروں میں طلبہ یونینوں کی بحالی؛ کیمپس میں جمہوریت کے کام کرنے، بنیادی قوانین سے آگاہی، سیاسی حقوق اور جمہوری اداروں سے متعلق موضوعات کی شمولیت؛ ہر سطح پر سیاسی عمل میں نوجوانوں کو شامل کرنے کے لیے ہر سیاسی جماعت میں انٹرا پارٹی جمہوریت کو فروغ دینا؛ نجی اور سرکاری شعبے کی کمپنیوں کی طرف سے طلباء اور نوجوان گریجویٹس کے لیے انٹرن شپ کے مواقع ان کیلئے حوصلہ افزائی کا باعثہوں گے ۔ ثقافتی تبادلے کے پروگرام فراہم کرنے کے لیے مختلف قومی اور بین الاقوامی یونیورسٹیوں کے درمیان مفاہمت ناموں کی سہولت فراہم کرنا کے پی میں خواتین کو ہراساں کرنے سے بچاؤ کے لیے ایپس کی ترقی اہم معاملہ ہے ۔ جنسی ہراسانی کا شکار خواتین کے لیے لیڈی افسران کی تقرری جو منشیات کے استعمال سے متعلق ذہنی صحت سے متعلق آگاہی فراہم کریں اور خاص طور پر منشیات کی بحالی کے مراکز کے لیے فنڈز مختص کرنا نوجوانوں اور قانون سازوں کے درمیان باقاعدہ بات چیت کی سہولت اور اس طرح کے باقاعدہ اور براہ راست پروگرامز کے لیے یوتھ ایمبیسیڈر پروگرام کا آغاز انتہائی اہم ہے ۔ مہمانوںنے پلڈاٹاور یو این ڈی پی کا شکریہ ادا کیا کہ وہ نوجوانو ں کو آگے بڑھنے کےمختلف مواقع فراہم کرتی ہے ۔