سیالکوٹ میں مشتعل ہجوم کے ہاتھوں قتل ہونے والے سری لنکن شہری پریانتھا کمارا کی آخری رسومات ادا کردی گئیں۔
برطانوی نشریاتی ادارے کی جانب سے سوشل میڈیا پرسری لنکن شہری پریانتھا کمارا کی آخری رسومات کی چند تصاویر شیئر کی گئی ہیں۔
تصاویر میںپریانتھا کمارا کی اہلیہ اور اُن کے دونوں بیٹوں کو دیکھا جاسکتا ہے۔
پریانتھا کمارا کی اہلیہ اپنے شوہر کی بےدردی سے قتل پر شدت غم سے نڈھال ہیں جبکہ اُن کا غم اُن کے علاوہ کوئی دوسرا انسان محسوس نہیں کرسکتا۔
تصاویر میں دیکھا جاسکتا ہے کہپریانتھا کمارا کے دونوں بیٹے بھی شدید افسردگی کے عالم میں اپنے والد کے تابوت کی طرف دیکھ رہے ہیں۔
پریانتھا کمارا کی آخری رسومات کی تصاویر:
واضح رہے کہ حال ہی میں سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگا دی تھی۔
مشتعل افراد کا مبینہ دعویٰ تھا کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔