پریانتھا کمارا کی والدہ کی جذباتی تصویر وائرل

سیالکوٹ میں مشتعل ہجوم کے ہاتھوں قتل ہونے والے سری لنکن شہری پریانتھا کمارا کی والدہ کی جذباتی تصویر وائرل ہوگئی۔

سری لنکن شہری پریانتھا کمارا کی میت اُن کے ملک سری لنکا پہنچائی گئی جہاں اُن کے اہلخانہ نے اُن کی آخری رسومات کی ادائیگی کی۔

اب سوشل میڈیا پر پریانتھا کمارا کی والدہ کی ایک جذباتی تصویر وائرل ہورہی ہے۔

تصویر میں پریانتھا کمارا کی والدہ اپنے بیٹے کے تابوت پر ہاتھ رکھ کر زار و قطار رو رہی ہیں جبکہ اُن کے اہلخانہ اُنہیں سنبھالنے کی کوشش کررہے ہیں۔

یہ جذباتی تصویر دیکھ کر سوشل میڈیا صارفین بھی شدید افسردہ ہوگئے ہیں۔

سری لنکن منیجر پریانتھا کی میت گھر پہنچنے پر بھائی نے کیا کہا؟

سیالکوٹ میں مشتعل ہجوم کے ہاتھوں قتل ہونے والے سری لنکن شہری پریانتھا کمارا کی میّت پہنچنے پر اُن کے بھائی نے سری لنکن اور پاکستانی حکومت سے اپیل کرتے ہوئے کہا کہ اس کیس کی کارروائی اطمینان بخش کی جائے۔

واضح رہے کہ حال ہی میں سیالکوٹ میں نجی فیکٹری کا سری لنکن منیجر فیکٹری ملازمین کے تشدد سے ہلاک ہوگیا تھا، مشتعل افراد نے لاش کو سڑک پر گھسیٹا اور آگ لگا دی تھی۔

ملک عدنان نے اپنا ایوارڈ کس کے نام کیا؟

مقتول سری لنکن فیکٹری منیجر پریانتھا کمارا کی جان بچانے کی کوشش کرنے والے عدنان ملک نے اپنا ایوارڈ پریانتھا کمارا اور سری لنکا کے لوگوں کے نام کردیا۔

مشتعل افراد کا مبینہ دعویٰ تھا کہ مقتول نے مبینہ طور پر مذہبی جذبات مجروح کیے تھے، مشتعل افراد نے فیکٹری میں توڑ پھوڑ بھی کی۔