سڈنی سکسرز کے کھلاڑی لائیڈ پوپ قومی کرکٹ ٹیم کے لیگ اسپنر شاداب خان کے تجربے سے سیکھنا چاہتے ہیں۔
شاداب خان نے بگ بیش لیگ کے لئے سڈنی سکسرز کو جوائن کر لیا ہے جبکہ ٹیم شاداب خان کے کوویڈ 19 ٹیسٹ کی منتظر ہے۔
شاداب خان کو سڈنی سکسرز نے ایکس فیکٹر قرار دیا ہے کیوں کہ شاداب خان نے ٹی ٹوئنٹی ورلڈ کپ میں آسٹریلیا کے خلاف عمدہ بولنگ کی تھی۔
لائیڈ پوپ کا کہنا تھا کہ شاداب خان جیسے انٹرنیشنل پلیئر کے ٹیم میں شامل ہونے پر پرجوش ہوں، دو میٹر کے فاصلے سے شاداب خان سے بات چیت کی ہے۔
ان کا یہ بھی کہنا تھا کہ شاداب خان کا بہت تجربہ ہے ،انہوں نے انٹرنیشنل لیول پر عمدہ پرفارم کیا ہوا ہے۔