کورونا وائرس سے متاثرہ 1 مسافر غیر ملکی پرواز کے ذریعے دبئی سے کراچی پہنچ گیا۔
ایئر پورٹ ذرائع کے مطابق امارات ایئر لائن کورونا پازیٹو مسافر کو پرواز میں بٹھا کر کراچی لائی ہے۔
ذرائع نے بتایا ہے کہ مذکورہ مسافر دبئی میں بھی کورونا پازیٹو تھا اور جب اس کا کراچی پہنچنے کے بعد کورونا ٹیسٹ کیا گیا تو وہ یہاں بھی پازیٹو ہی آیا ہے۔
کورونا سے متاثرہ مذکورہ مسافر کو 3 روز کے لیے آئسولیشن میں رکھنے کے لیے اسپتال منتقل کر دیا گیا ہے۔
ایئر پورٹ پر موجود محکمۂ صحت کے عملے نے اس واقعے سے متعلق سول ایوی ایشن اتھارٹی کو رپورٹ کر دی ہے۔