بیرون ملک سے آنیوالے مسافروں کا کورونا ٹیسٹ مثبت آگیا

26 دسمبر ، 2021

بیرون ملک سے کراچی پہنچنے والے 4 مسافروں کے کورونا وائرس کے ٹیسٹ کی رپورٹ مثبت آئی ہے۔

سول ایویشن اتھارٹی (سی اے اے) کے ذرائع کا کہنا ہے کہ کراچی ایئر پورٹ پہنچنے پر مسافروں کے ریپڈاینٹی جن ٹیسٹ کیے گئے، ریپڈ اینٹی جن ٹیسٹ مثبت آنے پر چاروں مسافروں کو قرنطینہ سینٹر منتقل کردیا گیا ہے۔

ذرائع کا یہ بھی کہنا ہے کہ 2 مسافر برطانیہ اور 2 مسافر سعودی عرب سے پہنچے ہیں، متاثرہ 3 مسافروں کو کورنگی قرنطینہ سینٹر اور ایک مقامی ہوٹل منتقل کیا گیا ہے۔

خیال رہے کہ نیشنل کمانڈ اینڈ آپریشن سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 358 کیسز سامنے آئے ہیں، مزید 2 افراد اس موذی وباء کے سامنے زندگی کی بازی ہار گئے، اس کے مزید 446 مریض شفایاب ہو گئے، جبکہ مثبت کیسز کی شرح 0 اعشاریہ 68 فیصد پر آ گئی۔

تازہ ترین