کراچی میں کلفٹن شون سرکل انڈر پاس کے قریب فائرنگ سے زخمی ہونے والا شخص دوران علاج دم توڑ گیا۔
پولیس کے مطابق مقتول شون سرکل کے قریب بینک سے رقم نکال کر اپنی گاڑی کی جانب جارہا تھا۔
پولیس کے مطابق جیسے ہی وہ اپنی گاڑی کےقریب پہنچا تو موٹر سائیکل سوار 3 ملزمان وہاں پہنچ گئے اور رقم چھیننے کی کوشش کی، مزاحمت پر فائرنگ کردی۔
پولیس کے مطابق مقتول سے ملزمان 70 لاکھ روپے کی رقم چھین کر فرار ہوئے ہیں۔