ویرات کوہلی کے کپتانی چھوڑنے پر رنویر کا تبصرہ

January 15, 2022

ویرات کوہلی کی جانب سے بھارتی کرکٹ ٹیم کی ٹیسٹ کپتانی سے بھی دستبرداری کے اعلان کے بعد اداکار رنویر سنگھ نے بھی تبصرہ کردیا۔

واضح رہے کہ جنوبی افریقہ کے ہاتھوں شکست کے بعد ویرات کوہلی نے ٹیسٹ کرکٹ میں بھی بھارتی ٹیم کی کپتانی سے دستبرداری کا اعلان کردیا تھا۔

سوشل میڈیا پر کوہلی کے بیان پر رنویر سنگھ نے تبصرہ کرتے ہوئے کہا کہکنگ ہمیشہ کنگ رہتا ہے۔

بالی ووڈ اسٹار نے ساتھ میں تاج اور دل کی ایموجیز بھی شیئر کیں۔

واضح رہے کہ ویرات کوہلی نے سوشل میڈیا پر اپنے بیان میں کہا تھا کہ انہوں نے اپنا کام بہت ایمانداری کے ساتھ کیا اور اس کے لیے کوئی کسر نہیں چھوڑی۔

ویرات کوہلی نے اپنے پیغام میں بی سی سی آئی اور اپنے کھلاڑیوں کو بطور کپتان انہیں سپورٹ کرنے پر شکریہ ادا کیا۔