مسلم لیگ نون کے رہنما احسن اقبال کا کہنا ہے کہ سینیٹ میں اپوزیشن لیڈر یوسف رضا گیلانی کو اپنی مصروفیات ترک کرکے ایوان میں ہونا چاہیے تھا، انہیں اپنی ذمہ داری محسوس کرنی چاہیے تھی۔
جیو نیوز کے پروگرام جیو پاکستان میں رہنما نون لیگ احسن اقبال نے گفتگو کرتے ہوئے کہا کہ حکومت نے اسٹیٹ بینک بل ایوان میں بلڈوز کیا جس پر شرمندہ ہونا چاہیے۔
احسن اقبال کا کہنا تھا کہ صدارتی نظام لانے کا کوئی طریقہ آئین میں نہیں، فضول بحث کی جارہی ہے۔
انہوں نے بتایا کہ 23 مارچ کا لانگ مارچ پاکستان کے عوام کی امنگوں کے مطابق ہے۔