کراچی میں ڈھائی ماہ بعد کھلنے والے سی این جی پمپس پھر بند ہوگئے۔
آل پاکستان پٹرولیم رٹیلرز ایسوسی ایشن کے مرکزی رہنما شعیب خانجی کا کہنا ہے کہ مہنگی گیس اور بندش صرف سی این جی سیکٹر تباہ کرنے کی سازش ہے۔
انہوں نے مزید کہا کہ صرف 3 دن چلنے کے بعد سی این جی پمپس پھر بند کر دیئے گئے ہیں ۔
واضح رہے کہ 14 فروری کو کراچی سمیت سندھ بھر میں ڈھائی ماہ بعد سی این جی اسٹینشنز کو گیس ملی تھی۔
ایس ایس جی سی کا کہنا تھا کہ ڈھائی ماہ سی این جی بند کیے جانے کا فیصلہ طلب و رسد کا فرق بڑھنے اور گھریلو صارفین کی ضروریات پوری کرنے کے لیے کیا گیا تھا۔