معروف بھارتی کامیڈین اور اداکار سنیل گروور کامیاب ہارٹ سرجری کے بعد صحتیاب ہوگئے ہیں اور اب اُن کی دوبارہ کام پر واپسی بھی ہوگئی۔
اداکار نے بھارتی شہر رشی کیش میں شُوٹنگ کا آغاز کردیا ہے، رپورٹس میں بتایا گیا ہے کہ سنیل صحت مند ہیں اور ڈاکٹروں کی بتائی ہدایات پر عمل کررہے ہیں۔
حال ہی میں کامیڈین نے دہلی میں ایک تقریب میں شرکت کی اور پرفارم بھی کیا، انہوں نے وزارتِ ثقافت کے زیر اہتمام اس پروگرام میں ارمان ملک، دھوانی بھانوشالی، اور کمار وشواس جیسے دیگر فنکاروں کی پرفارمنس دیکھی۔
44 سالہ سنیل گروور کو شہرت کپل شرما کے ساتھ شو کے دوران اپنا ہنر دکھانے سے ملی، اس میں وہ ’ ڈاکٹر گولاٹی ‘ کے کردار سے مشہور ہوئے اور شہرت کی بلندیوں کو چھو لیا ۔