لاڑکانہ کے علاقے نوڈیرو میں ایک گھر سے 40 سالہ خاتون کی لاش ملی ہے، گھر میں لاش کی اطلاع خاتون کے بیٹے نے دی۔
پوسٹ مارٹم رپورٹ کے مطابق خاتون کے جسم پر تشدد کے نشانات ہیں۔
مقتولہ کے بیٹے کا کہنا ہے کہ میں گھر آیا تو والدہ کی لاش پڑی تھی، والد روزگار کے سلسلے میں باہر ہیں۔
پولیس حکام کا کہنا ہے کہ اہل خانہ تدفین کے لیے میت سکھر لے گئے، تدفین کے بعد خاتون کے بھائیوں کی مدعیت میں مقدمہ درج کیا جائے گا۔
پولیس کا کہنا ہے کہ ابتدائی طور پر واقعہ سیاہ کاری کا شاخسانہ لگتا ہے، خاتون کے شوہر کی تلاش جاری ہے۔