آرمی چیف جنرل قمر جاوید باجوہ نے فرنٹ لائن پر پدھار سیکٹر کا دورہ کیا۔
پاک فوج کے شعبہ تعلقات عامہ آئی ایس پی آر کے مطابق اس موقع پر آرمی چیف کو لائن آف کنٹرول کی صورتحال اور فارمیشن کی آپریشنل تیاریوں پر بریفنگ دی گئی۔
آئی ایس پی آر کے مطابق آرمی چیف نے افسروں اور جوانوں سے بات چیت کی اور ان کے ہمراہ افطار کیا۔
جوانوں سے بات چیت میں آرمی چیف نے ان کی پیشہ ورانہ مہارت اور مادر وطن کے دفاع کے لیے جذبات کو سراہا۔
اس سے پہلے فرنٹ لائن پہنچنے پر لیفٹیننٹ جنرل ساحر شمشاد مرزا نے آرمی چیف کا استقبال کیا۔