وفاقی وزیر خزانہ مفتاح اسماعیل کا کہنا ہے کہ عمران خان ملک گھمبیر حالات میں چھوڑ کر گئے ہیں، ہم محنت کررہے ہیں جلد خوشخبریاں دیں گے۔
نماز عید کے بعد میڈیا سے گفتگو کرتے ہوئے مفتاح اسماعیل نے کہا کہ اللّٰہ کا بڑا کرم ہے مجھ جیسے گناہ گار کو روضہ پاک کی زیارت کا شرف ملا، مسجد نبوی ﷺ میں نعرے بازی کرنے والوں کو اللّٰہ ہدایت دے۔
انہوں نے مزید کہا کہ ہم تو بے گناہ تھے پھر بھی جیل میں بند کیے گئے، پتہ چلے گا فرح گوگی صاحبہ پرائیوٹ جہازوں میں کیسے گھومتی تھیں۔
ان کا کہنا تھا کہ ٹرانفسر پوسٹنگ پر وزیراعظم ہاؤس سے کون فون کرتا تھا، شہزاد اکبر اور زلفی بخاری پر بھی بات ہوگی۔