ہمیں معیشت نام کا مریض وینٹی لیٹر پر دیا گیا، میاں جاوید لطیف

May 16, 2022

فوٹو: فائل

وفاقی وزیر میاں جاوید لطیف نے کہا ہے کہ ہمیں معیشت نام کا مریض وینٹی لیٹر پر دیا گیا ہے۔

جیو نیوز کے پروگرام کیپٹل ٹاک میں جماعت اسلامی کے عبدالاکبر چترالی اور میاں جاوید لطیف نے اظہار خیال کیا۔

اس دوران میاں جاوید لطیف نے کہا کہ معیشت کو ایڈریس کیے بغیر چھوڑ دیتے تو 22 کروڑ عوام کا مستقبل تاریک ہوتا۔

انہوں نے کہا کہ آج آپ الیکشن چاہتے ہیں، 4 سال آپ الیکشن نہیں چاہتے تھے، پاکستان کیخلاف وہ سازش کی ہے، جو 74 سال میں کوئی نہیں کرسکا۔

میاں جاوید لطیف نے مزید کہا کہ یہ مسلم لیگ ن کی نہیں قومی حکومت ہے، ہم نئے اور فوری انتخابات چاہتے ہیں۔

اُن کا کہنا تھا کہ کیا مالیاتی ادارے نگراں حکومت سے پاکستان کے مفاد میں ڈیل کریں گے۔

ن لیگی رہنما نے یہ بھی کہا کہ عمران خان کے فون چوری اور قتل کے بیان کی حکومت تحقیقات کرے۔