پاکستان تحریک انصاف کے چیئرمین عمران خان کی جانب سے لانگ مارچ کے دوران ننھی سی بچی کے سر پر دستِ شفقت رکھتے ہوئے ویڈیو سوشل میڈیا پر وائرل ہے۔
سیاسی جلسے، جلوس، لانگ مارچ اور دھرنے میں غیر معمولی واقعات کا سامنے آنا ایک معمول کی بات ہے مگر اس بار سابق وزیر اعظم عمران خان کی لانگ مارچ سے ایک ننھی سی بچی کی ویڈیو خود عمران خان کی جانب سے شیئر کی گئی ہے۔
اس ویڈیو میں دیکھا جا سکتا ہے کہ بچی کے سر پر پیار دینے کے لیے کنٹینر پر کھڑے عمران خان کے پاس اِسے لایا جاتا ہے۔
یہ ویڈیو اور اس منظر کی تصویریں سوشل میڈیا پر خوب وائرل ہیں اور پی ٹی آئی کے حمایتیوں کو خوب بھا رہی ہیں۔