اسلحہ کے ساتھ گرفتار شخص کے پی محکمہ صحت کا ملازم ہے، رانا ثناء

July 02, 2022

فوٹو فائل

وزیر داخلہ رانا ثناء اللّٰہ نے پی ٹی آئی جلسے میں پستول لے کر آنے والے گرفتار شخص سے متعلق بتادیا۔

اسلام آباد میں میڈیا سے گفتگو کرتے ہوئے رانا ثناء اللّٰہ نے کہا کہ پی ٹی آئی کے جلسے میں خیبرپختونخوا حکومت کے تمام ملازمین بھی شامل ہیں، ہم نے اسلحہ کے ساتھ جسے گرفتار کیا ہے وہ کے پی محکمہ صحت کا ملازم ہے۔

رانا ثناء اللّٰہ نے کہا کہ آج پی ٹی آئی کے جلسے میں 15 ہزار کے قریب افراد آئے ہیں، ہم ہمیشہ سیاسی مخالفین کو تسلیم کرکے چلتے ہیں۔

وزیر داخلہ نے کہا کہ پی ٹی آئی کا احتجاج ناکام ہے، ملک میں مہنگائی انہیں کی وجہ سے ہوئی، اتحادی حکومت کے سربراہوں کا فیصلہ ہے کہ حکومت آئینی مدت پوری کرے۔