فلسطین میں اسرائیلی فوج کی جارحیت جاری ہے جہاں مقبوضہ مغربی کنارے میں اسرائیلی فوج کی فائرنگ سے 17 سالہ نوجوان شہید ہوگیا۔
فلسطینی حکام اور طبی ذرائع کا کہنا ہے کہ شہید ہونے والا نوجوان جس کی شناخت کمال الوانحا کے نام سے ہوئی، گزشتہ روز اسرائیلی فوج کی فائرنگ سے زخمی ہوا تھا اور آج زخموں کی تاب نہ لا کر شہید ہوگیا۔
اسرائیلی فوج کی فائرنگ سے نوجوان کے پیٹ اور ہاتھ میں گولیاں لگی تھیں۔
خبر ایجنسی کے اعداد و شمار کے مطابق مارچ کے اوآخر سے اب تک اسرائیلی فوج کی فائرنگ سے 49 فلسطینی شہید ہو چکے ہیں۔