بارشوں سے تربیلا اور منگلا میں پانی کی آمد میں اضافہ

July 06, 2022

فائل فوٹو

حالیہ مون سون بارشوں سے تربیلا اور منگلا ڈیم میں پانی کی آمد میں اضافہ ہوا ہے۔

واپڈا ذرائع کے مطابق چند روز میں تربیلا ڈیم میں پانی کی سطح میں 45 فٹ جبکہ منگلا میں پانی کی سطح میں 50 فٹ اضافہ ہوا ہے۔

ذرائع نے بتایا کہ منگلا سے پانی کا اخراج کم جبکہ تربیلا سے بڑھا دیا گیا ہے۔

واپڈا ذرائع کا مزید کہنا تھا کہ چند روز میں ہائیڈل پاور کی پیداوار بڑھنے کا امکان ہے۔