جدہ میں دہشت گردی میں مطلوب شدت پسند نے دھماکا کرکےخودکشی کرلی

August 12, 2022

جدہ میں دہشت گردی میں مطلوب شدت پسند نے دھماکا کرکے خودکشی کرلی۔

سعودی عرب کی وزارت داخلہ کے مطابق مطلوبہ شدت پسند عبداللّٰه بن زايد عبدالرحمٰن البكری الشہری 7 سال سے مطلوب تھا۔

سعودی وزارت داخلہ نے مزید بتایا کہ سیکیورٹی فورسز نے ملزم کی موجودگی کی اطلاع پر علاقہ کا محاصرہ کیا تھا۔ جس پر مطلوبہ ملزم نے گرفتاری سے بچنے کے لیے بارودی جیکٹ سے دھماکا کر دیا۔

سعودی وزارت داخلہ کے مطابق دھماکے سے ملزم ہلاک اور تین پولیس اہلکار اور ایک شہری زخمی ہوا۔