مرکس کی پاکستان سے ایکسپورٹ کا مال اٹھانے پر نئی شرائط

August 13, 2022

فائل فوٹو

عالمی شپنگ لائن مرکس نے پاکستان سے ایکسپورٹ کا مال اٹھانے پر شرائط رکھ دیں۔

مرکس کا کہنا ہے کہ 15 اگست سے پاکستانی ایکسپورٹ مال میں طویل مدتی کرایہ ادائیگی نہیں ہوگی اور صرف فوری کرائے، فریٹ آن بورڈ دیے جانے پر ایکسپورٹ کا مال اٹھے گا۔

مرکس نے کہا ہے کہ ریمیٹنس پر اسٹیٹ بینک کی جانب سے سختی کے باعث یہ اقدام کیا گیا ہے۔

دوسری جانب صنعت کاروں کا کہنا ہے کہ عالمی منڈی میں خریدار اس رکاوٹ کے بعد پاکستان میں آرڈر سے ہچکچائیں گے۔

صنعت کاروں نے بتایا کہ اس پابندی کا سب سے زیادہ اثر ٹیکسٹائل مصنوعات پر پڑے گا۔