جنوبی کوریا کے صدر یون سک یئول نے صدر جو بائیڈن سے ملاقات کے بعد امریکی قانون سازوں کو ہی احمق کہہ دیا۔
غیر ملکی میڈیا کی رپورٹ کے مطابق جو بائیڈن سے اس ملاقات کے دوران انہوں نے امریکی الیکٹرک گاڑیوں پر سبسڈی کے مسائل پر بات کی جسے جنوبی کوریا تبدیل کروانے کا خواہشمند ہے۔
اس ملاقات کے بعد جب وہ باہر نکل رہے تھے تو اس دوران ان کی آواز ریکارڈ ہوگئی جس میں ان کا کہنا تھا کہ ’بائیڈن کے لیے کتنی شرمندگی کی بات ہوگی اگر یہ احمق لوگ کانگریس میں اس گرانٹ کو مسترد کردیں‘۔
جنوبی کوریا کے ٹیلی ویژن میں یہ فوٹیج نشر ہوئی جہاں صدریون سک یئول وزیر خارجہ پارک جن سے گفتگو کر رہے تھے۔
دوسری جانب بلومبرگ سے گفتگو کرتے ہوئے جنوبی کوریا کے ایوانِ صدارت کے افسر نے کہا کہ صدر کا تبصرہ آفیشل نہیں ہے اور نہ ہی اس کی تصدیق ہوسکی ہے۔