سندھ: سیلاب گزرنے کے باوجود درجنوں گاؤں تاحال زیر آب

September 30, 2022

فائل فوٹو

سندھ میں سیلاب گزرنے کے کئی ہفتوں بعد بھی نوشہرو فیروز کے چالیس گاؤں تاحال پانی میں گھرے ہوئے ہيں۔

مختلف مقامات پر پانچ پانچ فٹ پانی جمع ہونے سے نظامِ زندگی مفلوج ہے جبکہ مکینوں کا شہر سے رابطہ بدستور منقطع ہے۔

دوسری جانب سانگھڑ کے متعدد دیہات بھی پانی میں گھرے ہوئے ہیں، متاثرین کے لیے اپنے بیمار عزیزوں کو اسپتال پہنچانا بھی انتہائی مشکل ہوگيا ہے۔

ادھر نوابشاہ میں بھی سیلابی پانی اب تک جمع ہونے کے باعث بیماریاں پھیلنے کا خدشہ پیدا ہوگیا ہے۔