آئی سی سی کی سالانہ ویمن ٹیم رینکنگ، پاکستان کا کونسا نمبر؟

October 01, 2022

فوٹو: سوشل میڈیا

انٹرنیشنل کرکٹ کونسل (آئی سی سی) نے سالانہ ویمن ٹی ٹوئنٹی ٹیم کی رینکنگ جاری کر دی، پاکستان ویمن کرکٹ ٹیم کا رینکنگ میں ساتواں نمبر ہے۔

آسٹریلیا ویمن کرکٹ ٹیم نے ٹی ٹوئنٹی رینکنگ میں اپنی پہلی پوزیشن مزید مستحکم کر لی ہے، آسٹریلوی ٹیم 299 پوائنٹس کے ساتھ پہلے نمبر پر موجود ہے۔

رینکنگ میں انگلینڈ ویمن کرکٹ ٹیم کا 281 پوائنٹس کے ساتھ دوسرا نمبر ہے، نیوزی لینڈ ویمن ٹیم کا تیسرا جبکہ بھارتی ویمن ٹیم کا چوتھا نمبر ہے۔

رینکنگ میں پانچویں نمبر پر جنوبی افریقا اور چھٹے پر ویسٹ انڈیز موجود ہے جبکہ سری لنکا آٹھویں، بنگلہ دیش نویں اور آئرلینڈ دسویں نمبر پر ہے۔