فرمان الہی
نماز کے اوقات
آذربائیجان نے تہران میں سفارتخانے سے جلد سفارتی عملہ واپس بلانے کا اعلان کردیا۔
غیرملکی میڈیا کے مطابق ایران میں آذربائیجان کے سفارتخانے میں فائرنگ کے واقعے کے بعد یہ اعلان سامنے آیا ہے۔
آذربائیجان کی وزارت خارجہ کے مطابق ایران کے دارالحکومت تہران سے جلد ہی اپنے سفارت خانے کے عملے کو نکال لیں گے۔
دوسری جانب آذربائیجان کے صدر نے ایران میں سفارتخانے پر حملے کو دہشتگردی قرار دے دیا۔
غیرملکی خبر ایجنسی کے مطابق آذربائیجان نے ایران سے سفارتخانے پر حملے کی فوری تحقیقات اور ملوث لوگوں کو سزا دینے کا مطالبہ بھی کیا ہے۔
رپورٹس کے مطابق تہران میں آذربائیجان کے سفارتخانے میں فائرنگ کے نتیجے میں ایک شخص ہلاک اور 2 افراد زخمی ہوگئے تھے۔
غیرملکی میڈیا کے مطابق سفارتخانے پر فائرنگ میں ملوث مشتبہ شخص کو گرفتار کرلیا گیا ہے۔
