الندن (جنگ نیوز) برطانیہ میں پاکستان کے ہائی کمشنر معظم احمد خان نے 31جنوری کو برطانیہ میں مقیم پاکستانیوں کے ساتھ ایک ورچوئل کھلی کچہری کا انعقاد کیا۔ ورچوئل کھلی کچہری میں کمیونٹی ممبران کی بڑی تعداد نے شرکت کی ہائی کمشنر نے پاکستان میں قونصلر خدمات اور جائیداد کے معاملات سے متعلق کمیونٹی کی شکایات کا ازالہ کیا۔ انہوں نے کمیونٹی ممبران کو یقین دلایا کہ ان کی شکایات پاکستان میں متعلقہ حکام کے ساتھ اٹھائی جائیں گی واضح رہے کہ ورچوئل کھلی کچہری ہر ماہ برطانیہ میں مقیم پاکستانیوں کی سہولت کیلئے منعقد کی جاتی ہے۔