ترکیہ میں 12 گھنٹے بعد ٹوئٹر سروس بحال

February 09, 2023

زلزلے پر حکومتی امدادی کارروائیوں پر آن لائن تنقید کرنے کے بعد ملک میں 12 گھنٹے سے معطل ٹوئٹر سروس بحال کردی گئی۔

غیرملکی میڈیا کے مطابق ترکیے میں سوشل میڈیا سائٹ ٹوئٹر پر دوبارہ رسائی ممکن ہوگئی ہے۔

غیرملکی خبر ایجنسی کے مطابق اشتعال انگیز سوشل میڈیا پوسٹس پر ترک پولیس نے 18 افراد کو حراست میں بھی لیا تھا۔

رپورٹس کے مطابق حراست میں لیے گئے افراد نے زلزلے کے بعد حکومتی امدادی سرگرمیوں پر تنقید کی تھی۔

رپورٹس کے مطابق ترکیہ میں ٹوئٹر استعمال کرنے کے لیے شہریوں کو وی پی این سروس استعمال کرنی پڑ رہی ہے۔

دوسری جانب ٹوئٹر کے سربراہ ایلون مسک نے کہا ہے کہ ترک حکومت نے مطلع کیا ہے ٹوئٹر تک رسائی کو جلد فعال کردیا جائے گا۔