بنگلادیش نے پہلے ٹی ٹوئنٹی میچ میں ڈک ورتھ لوئس قانون کے تحت آئرلینڈ کو 22 رنز سے ہرادیا۔
چٹوگرام میں کھیلے گئے اس میچ میں پہلے بیٹنگ کرتے ہوئے بنگلادیشی ٹیم نے 5 وکٹوں کے نقصان پر 202 رنز بنائے۔
بنگلادیشی اننگز کا آخری اوور جاری تھا کہ بارش کے باعث میچ روک دیا گیا۔
مسلسل بارش کے باعث جب اوورز کی کٹوتی ہوئی تو آئرلینڈ کو جیت کےلیے آٹھ اوورز میں 104 رنز کا ہدف ملا۔
آئرش ٹیم مقررہ 8 اوورز میں 5 وکٹوں کے نقصان پر صرف 81 رنز ہی بناسکی۔
آئرلینڈ کے گیرتھ ڈیلانی 21 ، ہیری ٹیکٹر 19 اور پال اسٹرلنگ نے 17 رنز بنائے۔
بنگلادیش کے تسکین شاہ نے 16 رنز کے عوض 4 وکٹیں حاصل کیں۔
واضح رہے کہ بنگلہ دیش کی جانب سے رونی تعلقدار 67 اور لٹن داس نے 47 رنزکی نمایاں اننگز کھیلی۔