وفاقی دارالحکومت اسلام آباد سے متصل شہر راولپنڈی کے ایک گھر میں گیس سلنڈر کا دھماکا ہوا ہے جس کے نتیجے میں 8 افراد ملبے تلے دب گئے۔
ریسکیو حکام کے مطابق راولپنڈی کے علاقے پیپلز کالونی میں واقع ایک گھر میں گیس سلنڈر دھماکے سے پھٹ گیا۔
ریسکیو حکام کا مزید کہنا ہے کہ گیس سلنڈر کے دھماکے سے 2 منزلہ مکان کا ایک حصہ گر گیا۔
ریسکیو حکام نے یہ بھی بتایا ہے کہ مکان کے ملبے تلے دبے 8 افراد کو نکال کر اسپتال منتقل کر دیا گیا ہے۔