سوشل میڈیا پر پاکستانی خوبرو اداکارہ یمنیٰ زیدی کی بالی ووڈ کنگ شاہ رُخ خان کے ہمراہ ایک یادگار تصویر وائرل ہو رہی ہے۔
یہ تصویر کسی تقریب یا اصلی ملاقات کی نہیں بلکہ ایک ’فین مومنٹ‘ کی ہے۔
یمنیٰ زیدی کی یہ تصویر لندن کے مشہور ترین میوزیم مادام تساؤ کی ہے جس میں اداکارہ اپنے پسندیدہ اداکار کے موم سے بنے مجسمے کے ساتھ کھڑی نظر آ رہی ہیں۔
اس تصویر سے اندازہ لگایا جا سکتا ہے کہ یہ کافی پرانی ہے کیوں کہ اس میں یمنیٰ کی عمر چھوٹی ہے۔
واضح رہے کہ مادام تساؤ مومی مجسموں کی تھیم پر مشتمل ایک میوزیم ہے جسے 1835 میں فرانسیسی مومی مجسمہ ساز میری تساؤ نے لندن میں قائم کیا تھا۔
مادام تساؤ میں مشہور اور تاریخی شخصیات کے مومی مجسمے بنائے اور رکھے جاتے ہیں۔