قومی عوامی تحریک کے سربراہ ایاز لطیف پلیجو نے کہا ہے کہ صوبائی حکومت کی کرپشن سے سندھ کھنڈرات میں تبدیل ہوگیا۔
شکارپور میں تقریب سے خطاب میں ایاز لطیف پلیجو نے کہا کہ دو دہائیوں سے سندھ میں گورننس اور روزگار کا شدید بحران ہے۔
انہوں نے کہا کہ ڈاکوؤں اور جرائم پیشہ افراد کے خلاف ایکشن لیں لیکن ان کے اہل خانہ کو نشانہ نہ بنائیں۔
قومی عوامی تحریک کے سربراہ نے مزید کہا کہ سندھ حکومت نے کرپشن کرکے صوبے کو کھنڈرات میں بدل دیا، انفرااسٹرکچر مکمل طور پر تباہ ہے۔
ان کا کہنا تھا کہ سندھ کے لوگ کئی دہائیوں سے اپنے حقیقی نمائندے نہیں چن سکے ہیں، خواین اور اقلیتوں کے تحفظ اور برابری سے پاکستان کو کامیاب بنانا ہوگا۔