انیویارک (اے ایف پی) امریکہ نے گزشتہ روز اردن میں ہنگامی سربراہی اجلاس میں فلسطینیوں کیلئے 40کروڑڈالر سے زائد نئی امداد کا وعدہ کیا ہے جہاں عالمی رہنماؤں نے جنگ سے تباہ حال غزہ کی مدد کے لیے واحد حتمی حل جنگ بندی کیلئے امریکی دباؤ کی حمایت کی۔اردن اور مصر نے بحیرہ مردار پر فوری مذاکرات کا مطالبہ کیا کیونکہ امدادی گروپوں نے متنبہ کیا کہ غزہ میں حالات پہلے سے کہیں زیادہ بدتر ہیں، تقریباً 20لاکھ سے زائد کی آبادی وقتاََ فوقتاََ امداد کی ترسیل پر انحصار کررہی ہے۔ اسرائیل اور حماس کے درمیان جنگ بندی کی تجویز پر دباؤ ڈالنے کیلئےامریکی وزیر خارجہ انٹونی بلنکن مشرق وسطیٰ کےدورےپرہیں،انہوں نے فلسطینیوں کو خوراک، پینے کے پانی، صحت کی فراہمی یقینی بنانے اور دیگر امداد کیلئے 40کروڑ 40لاکھ ڈالر دینے کا وعدہ کیا۔اسرائیل کیلئے امریکی حمایت کے ناقدین پر جوابی وار کرتے ہوئےانٹونی بلنکن نے نشاندہی کی کہ فلسطینیوں کیلئے اقوام متحدہ کی اپیل کا ایک تہائی فنڈ فراہم کیا گیا تھا، جس میں2ارب 30کروڑڈالر کی کمی تھی۔