راولپنڈی(خبر نگار خصوصی) ڈائریکٹر جنرل راولپنڈی ڈویلپمنٹ اتھارٹی کنزہ مرتضیٰ کی ہدایت پرآرڈی اے انفورسمنٹ سکواڈ نے گزشتہ روز فتح جنگ روڈ راولپنڈی پر غیر مجاز و غیر قانونی کمرشل عمارتوں کے خلاف کارروائی کرتے ہوئے 27 جائیدادوں کو سر بمہر کر دیا ۔ جن میں پانچ ہوٹل، سات دکانیں، چھ مارکیٹیں، دو سروس اسٹیشنز، تین پلازے، پائپ بلاک فیکٹری، پولٹری فارم اور آٹوز اینڈ کیئر سینٹر اور دیگر شامل ہیں۔