وزیراعظم میاں محمد نواز شریف نے پاراچنار دھماکوں کی شدید مذمت کی ہے۔
وزیر اعظم نے دھماکے میں جانی نقصان پر گہرے دکھ اور افسوس کا اظہار کیا اور جاں بحق افراد کے درجات کی بلندی اور ان کے لواحقین کےلیے صبرجمیل کی دعاکی۔
وزیر اعظم میاں نواز شریف نے ملک بھر میں سیکیورٹی کو مزید سخت کرنے کی ہدایت بھی کی۔
وزیر اعظم کا کہنا ہے کہ کوئی بھی مسلمان ایسے گھناؤنے اقدامات کا تصور بھی نہیں کر سکتا، دہشت گردی کے ایسے واقعات کو ریاستی طاقت سے کچل دیا جائے گا۔