جماعت اسلامی نے کراچی میں کے الیکٹرک کے خلاف احتجاجی لائحہ عمل کا اعلان کردیا۔
احتجاجی لائحہ عمل کے مطابق کل شہربھر میں مظاہرے کیے جائیں گے ، 3 دن میں بجلی کی طویل لوڈ شیڈنگ ختم نہ ہوئی تو ریڈ زون کا رخ کیا جائےگا۔
کے الیکٹرک کے صدر دفتر کے باہر جماعت اسلامی کے احتجاجی کیمپ میں حافظ نعیم الرحمان نے پریس کانفرنس کی۔
ان کا کہنا تھا کہ کے الیکٹرک چھوٹے موٹے بلوں کی عدم ادائیگی پرصارفین کی بجلی کاٹ دیتی ہے مگر خود سوئی سدرن گیس کو واجبات ادا نہیں کررہی۔
انھوں نے اعلان کیا کہ جمعہ کے روز شہر کے پچاس مقامات پر کے الیکٹرک کے خلاف احتجاج کیا جائے گا۔