وزیراعلیٰ بلوچستان عبدالقدوس بزنجو نے گڈانی شپ بریکنگ یارڈ میں ناکارہ آئل ٹینکرز پر عائد پابندی ختم کر دی۔
پابندی کے خاتمے کے بعد ناکارہ بحری آئل ٹینکر گڈانی کے ساحل پر پہنچ گئے۔
ڈی جی انوائرمینٹل پروٹیکشن ایجنسی طارق زہری کے مطابق گڈانی شپ بریکنگ یارڈ کا شمار دنیا بھر میں پہلے نمبر پر ہونے لگا ہے۔
بحری جہازوں کی کٹائی سے سالانہ ٹیکسز کی مد میں بھاری ریونیو وصول ہوگا۔
ان کا کہنا تھا کہ گڈانی شپ بریکنگ یارڈ کے ہر پلاٹ پر ایمبولینسز موجود ہیں، وزیراعلیٰ کی ہدایات پر گڈانی شپ بریکنگ یارڈ کو جدید خطوط پر استوار کر دیا گیا۔