منائے کوئی دل سے کس طرح عید
مناظر ہیں یہاں ناقابلِ دید
وسائل کی فراوانی کے باوصف
سَروں میں کُلبلاتی بے یقینی
مسائل کم نہیں عام آدمی کے
یہاں رکھتی ہے انسانوں کو بیکل
رَسد ہے اس قدر نامنصفانہ
گزرتا ہے کسی الجھن میں پل پل
کہ حسرت ہوگئی ہے ہر ضرورت
منائے کوئی دل سے کس طرح عید
پریشانی کا عالم ہے گھروں میں
نظر آتی نہیں خلقت سکوں سے
نہ ہو برعکس اگر یہ پیش منظر
دکانوں، کارخانوں، دفتروں میں
نہ ہو تبدیل اگر یہ صورتِ حال
نکلتا ہے تو نکلے چاند ہر سال
کہاں کی عید، کیسی عید، کیا عید