لندن (جنگ نیوز ) لیور پول ایف سی کے برازیلین فٹبالر رابرٹو فرمینو آئ انجری کا شکار ہو گئے جس کے باعث وہ منگل کو چیمپئنز لیگ میں پیرس سینٹ جرمین کے خلاف میچ نہیں کھیل سکیں گے۔ انہیں ٹوٹنہم کیخلاف مقابلے کے دوران جان ورٹونگھم کی غلطی سے چوٹ لگی تھی۔ ان کی بائیں آنکھ کا مقامی ہسپتال میں معائنہ کیا گیا جس میں معلوم ہوا کہ وہ بڑے نقصان سے بچ گئے مگر انہیں آنکھ میں بہتری کیلئے چند دن آرام کرنا ہوگا۔