یوں تو آپ نے اکثر افراد کو زبردستی اپنے مطالبات منواتے ہوئے دیکھا ہوگا لیکن جناب یہاں تو جانور بھی دادا گیری پر اُتر آئے ہیں۔
یقین نہیں تو ویڈیو میں نظر آنے والے اس شرارتی بندر کو ہی دیکھ لیں جو نہ صرف بینک میں گھس گیا بلکہ ملازم کو ڈرا کر خوب داد گیری دکھائی۔
جی ہاں، یہ دلچسپ واقعہ بھارت کے دارالحکومت نئی دہلی کے ایک بینک میں پیش آیا جب شرارتی بندر بینک میں گھسا اور ایک ملازم کے کندھوں پر چڑھ کر بیٹھ گیا جیسے اسے یرغمال بنا کر بینک لوٹنا چاہتا ہو ۔
یوں بندر کے اچانک حملے سے کچھ ملازین جہاں بیحد خوفزدی ہوگئے وہیں کچھ اس منظر سے بیحد محظوظ بھی ہوئے اور یہ مناظر کیمرے میں قید کرنے لگے۔ دوری جانب بندر میاں نے بھی خوب دادی گیری دکھا کر کسی کو نقصان پہنچائے بغیر بینک سے باہر نکل گیا۔