وزیراعلیٰ پنجاب سردار عثمان بزدار نے کہا ہے کہ سابق ادوار میں اربوں کے قرضے لے کر عوام پر خرچ نہیں کئے گئے، ماضی میں سڑکیں اور پل بنائے گئے اسکولوں اور اسپتالوں پر توجہ نہیں دی گئی عوام کو خالی نعروں پر بہلایا گیا۔
لاہور سے جاری ایک بیان میں وزیر اعلیٰ عثمان بزدار نے کہا ہے کہ تبدیلی کیلئے دن رات محنت کر رہے ہیں بنیادی ضروریات کا ملنا عوام کا حق ہے حکومت عوام کو ان کا حق دینے کیلئے آخری حد تک جائے گی ۔
عثمان بزدار کا کہنا ہے کہ اب عوام کی ترقی و خوشحالی کیلئے زمینی حقائق کے مطابق دیرپا اقدامات کئے جا رہے ہیں وہ شہر شہر قریہ قریہ جا کر عوام سے مل رہے ہیں بنیادی ضروریات کی فراہمی کیلئے ترجیحات کا تعین کر لیا گیا ہے۔