Advertisement

جنیوا,شاہ محمود کی سینیگال کےوزیر خارجہ سےملاقات

September 10, 2019
 

وزیر خارجہ مخدوم شاہ محمود قریشی کی جنیوا میں جاری انسانی حقوق کونسل کے اجلاس کےموقع پر سینیگال کےوزیر خارجہ احمدوبا سےملاقات ہوئی ہے ۔

ذرائع کے مطابق ملاقات کے دوران دونوں رہنماؤں کے درمیان مقبوضہ جموں و کشمیرکی تشویشناک صورتحال اور خطے میں امن و امان کو درپیش خطرات پر تبادلہ خیال کیا گیا ہے۔

شاہ محمود قریشی نے اپنے ہم منصب سینیگال کے وزیرخارجہ احمدوبا کو بھارت کی جانب سے مقبوضہ جموں و کشمیر میں اٹھائے گئے یکطرفہ بھارتی اقدامات اور انسانی حقوق کی سنگین خلاف ورزیوں سے آگاہ کیا ۔

اس موقع پر شاہ محمود قریشی کا کہنا تھا کہ انسانی حقوق کونسل کی صدارت کا منصب سینیگال کے پاس ہونے کے سبب ہمیں آپ سے بہت سی توقعات وابستہ ہیں ۔

شاہ محمود قریشی نے مزید کہا کہ مقبوضہ جموں و کشمیر کے نہتے انسانوں کو بھارتی بربریت سے نجات دلانے کے لیے عالمی برادری کو آگے آنا ہو گا ۔

اس موقع پرسینیگال کے وزیر خارجہ احمدوبا نے صورتحال پر تشویش کا اظہار کرتے ہوئے کہا کہ وہ ساری صورتحال پر گہری نظر رکھے ہوئےہیں۔


مکمل خبر پڑھیں