ااولڈہم (پ ر) پاسبان صحابہ برطانیہ کے چیئرمین محمد عمر توحیدی نے کہا ہے کہ کشمیری اپنا حق آزادی مانگنے کیلئے پہلے کی نسبت آج زیادہ پُرجوش ہیں۔اپنی رہائش گاہ اولڈہم میں صحافیوں سے گفتگو کرتے ہوئے انھوں نے کہا کہ بھارت کی مقبوضہ وادی میں حالیہ بدمعاشی دراصل استعماری طاقتوں کے اشارے پر ہورہی ہےاور بھارت کو یہ نہیں بھولنا چاہئے کہ اس کا یہ مکروہ اقدام جنوبی ایشیا کے امن کیلئے انتہائی خطرناک ہے عمر توحیدی نے کہا کہ اقوام متحدہ سے کشمیر کے مسئلے کے حل کی امید رکھنا احمقوں کی جنت میں رہنے کے مترادف ہے۔انہوں نے افسوس کرتے ہوئے کہاکہ کشمیر میں بھارتی جارحیت انتہا کو پہنچ چکی ہے اور اس پر ہماری قیادت کی خاموشی لمحہ فکریہ ہے۔