بیلجیئم میں حکومت نے لاک ڈاؤن کی مدت بڑھا کر 18 اپریل تک کردی۔
مدت میں یہ اضافہ کورونا وائرس سے بچاؤ کیلئے ماہرین پر مشتمل کرائسسز مینجمنٹ سینٹر کی مشاورت سے کیا گیا۔ اس حوالے سے اعلان بیلجئیم میں قائم عبوری حکومت کی وزیر اعظم صوفی ویلمس نے سیاسی قیادت پر مشتمل نیشنل سیکیورٹی کونسل کے اجلاس کے بعد کیا۔
یاد رہے کہ پہلے مرحلے میں حکومت نے 3 اپریل تک لاک ڈاؤن کا اعلان کیا تھا۔ لیکن ماہرین سے مشورے اور فیلڈ سے آنے والی رپورٹس کو مدنظر رکھتے ہوئے اس مدت میں مزید 2 ہفتے کا اضافہ کر دیا گیا ہے۔
ماہرین نے اس کے پھیلاؤ کو غیر معمولی قرار دیتے ہوئے لاک ڈاؤن یا گھروں میں محدود رہنے کو بچاؤ کا اس وقت واحد قابل عمل حل قرار دے رکھا ہے۔