• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آرڈی اے ،دو ڈائریکٹوریٹس میں اسسٹنٹ ڈائریکٹر کی آخری پوسٹ بھی خالی

میرا شہر
اسلام آباد
29 مئی ، 2020
راولپنڈی ( اپنے نامہ نگار سے ) آرڈی اے کے دو ڈائریکٹوریٹس میٹروپولیٹن اینڈ ٹریفک انجینئرنگ (ایم پی اینڈ ٹی ای ) اور لینڈ یوز اینڈ بلڈنگ کنٹرول (ایل یو اینڈ بی سی ) میں موجود آخری اسسٹنٹ ڈائریکٹر کی پوسٹ بھی سی ڈی اے میں بطور ڈپٹی ڈائریکٹر جوائننگ دینے کے بعد خالی ہو گئی ہے جس کے بعد انتہائی اہمیت کے ان دونوں ڈائریکٹوریٹس میں ایک بھی اسسٹنٹ ڈائریکٹر نہیں بچا ہے جبکہ ان دونوں ڈائریکٹوریٹس میں دو ڈائریکٹر ، دو ڈپٹی ڈائریکٹر ہیں جبکہ ایک بھی اسسٹنٹ ڈائریکٹر نہیں ، ایم پی اینڈ ٹی ای میں موجود عہدہ کے لحاظ سے اسسٹنٹ ڈائریکٹر سمیع اللہ نیازی بطور ڈپٹی ڈائریکٹر کام کر رہے ہیں ، ان دونوں ڈائریکٹوریٹس میں اسسٹنٹ ڈائریکٹر کی مجموعی طور پر گیارہ پوسٹیں ہیں مگر گزشتہ روز عاطف محمود کے سی ڈی اے میں چلے جانے کے بعدآخری پوسٹ بھی خالی ہو گئی۔ واضح رہے کہ ان دونوں ڈائریکٹوریٹس میں موجود ڈپٹی ڈائریکٹر بھی عارضی ہیں ، ایک کے پاس ایڈیشنل چارج جبکہ دوسرے کی خدمات ڈیپوٹیشن پر محکمہ لوکل گورنمنٹ سے خدمات مستعار کی گئی ہیں اور ان کے پاس پی ایس ٹو چیئرمین آرڈی اے کا بھی چارج ہے۔
تازہ ترین