وزیراعظم عمران خان کے معاون خصوصی برائے سیاسی روابط ڈاکٹر شہباز گل نے وزیر تعلیم سندھ سعید غنی کے بیان پر ردعمل دیتے ہوئے کہا کہ پی آئی اے کو تباہ کرنے میں پیپلز پارٹی کا ہاتھ ہے۔
ڈاکٹر شہباز گل نے کہا کہ سیاسی بھرتیاں کرکے پی آئی اے کو تباہ کیا گیا۔اُنہوں نے کہا کہ صرف ایک ادارے کی بات نہیں ہر ادارے کی یہی کہانی ہے۔
واضح رہے کہ وزیر تعلیم سندھ سعید غنی نے میڈیا سے گفتگو کرتے ہوئے حکومت پر تنقید کرتے ہوئے کہا تھا کہ پوری دنیا میں پی آئی اے کی پروازوں پر پابندی لگائی جا چکی ہے، حکومت چاہتی ہے پی آئی اے کو اسٹیل ملز کی طرح زمیں بوس کیا جائے، یہ پی آئی اے کو بھی تباہ کرنا چاہتے ہیں۔