لاہور ( آن لائن ) لاہور ہائیکورٹ نے ادویات کی قیمتوں میں اضافہ کے خلاف کیس کی سماعت آج ( منگل ) تک ملتوی کرتے ہوئے ڈرگ ریگولیٹری اتھارٹی ،محکمہ صحت سمیت دیگر سے جواب طلب کر لیا۔ لاہور ہائیکورٹ کے مسٹر جسٹس ساجد محمود سیٹھی نے ادویات کی قیمتوں میں اضافہ کے خلاف درخواست سماعت کے لیے منظور کرتے ہوئے نوٹس جاری کئے ۔ درخواست گزار نے موقف اپنایا کہ ادویات کی قیمتوں میں اضافہ غیر قانونی ہے ، استدعا ہے کہ قیمتوں میں اضافہ کالعدم قرار دیا جائے ۔