وزیراعظم عمران خان نے کہا ہے کہ چینی کی ایکس مل قیمت بیس دن میں 20 روپے فی کلو کم ہوگئی۔
سماجی رابطے کی ویب سائٹ ٹوئٹر پر اپنے پیغام میں ان کا کہنا تھا کہ حکومت کی مؤثر مداخلت سے چینی کی قیمت کم ہوئی۔
انھوں نے بتایا کہ کنٹرول ریٹ پر درآمدی چینی اور بروقت کرشنگ سیزن کا آغاز یقینی بنایا گیا۔
وزیراعظم کا کہنا تھا کہ گنے کے کاشتکاروں کو ادائیگیاں منصفانہ اور تیز کرنے کے لیے صوبوں کو کہہ دیا ہے۔