مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز 27 دسمبر کو لاڑکانہ جائیں گی۔
مسلم لیگ ن سندھ نے مریم نواز کے دورۂ سندھ کو حتمی شکل دے دی ہے۔
ترجمان کے مطابق مریم نواز 26 دسمبر کو سکھر پہنچیں گی اورسہ پہر 4 بجے سکھر میں ورکرز کنونشن سے خطاب کریں گی۔
ترجمان مسلم لیگ ن کے مطابق پاکستان پیپلز پارٹی کے چیئرمین بلاول بھٹو کی دعوت پر مریم نواز شہید محترمہ بینظیر بھٹو برسی کی تقریبات میں بھی شرکت کریں گی۔