بھارت میں بالی ووڈ اداکارہ دیپیکا پڈوکون سے ریسٹورنٹ کے باہر گاڑی میں بیٹھتے وقت خاتون نے بیگ چھیننے کی کوشش کی۔
سوشل میڈیا کی ایک ویڈیو میں دیکھا جا سکتا ہے کہ گزشتہ روز دیپیکا پڈوکون ممبئی کے ایک ریسٹورنٹ سے باہر نکل رہی ہیں۔ اس دوران اداکارہ کے مداح انہیں دیکھ کر انکی طرف بڑھتے ہیں۔
ویڈیو کے مطابق دیپیکا کے گارڈ انہیں مجمعے سے باہر نکالنے میں مصروف ہیں تاہم اسی دوران ایک خاتون دیپیکا کو ٹشو لینے کی آفر کرتے ہوئے آگے بڑھی اور پھر انہوں نے دیپیکا کا بیگ چھیننے کی کوشش کی۔
اس واقعے پر اداکارہ گھبرا گئیں اور ان کے گارڈز نے فوری طور پر بیگ واپس لے لیا۔